上回講到同AX嘅古怪朋友關係喺一直都無進展，我完全唔知佢諗咩喎，我同佢之間一啲曖昧感覺都無( 除左唱K拖手事件)，但我地彷彿有住微妙嘅關係咁。AX係個令我好上心嘅朋友，我亦感覺到自己喺佢心上有啲份量，但到底係咩呢？會唔會嗰刻我地已經有預感 將來我地會結為夫妻？
我同賤男分手後，AX約得我密左，但都feel唔到佢有嘢架，我地本來仲諗住一齊去旅行架，多得我阿妹囉，喺msn扮我約AX放大假一齊去旅行。我阿妹勁 玩嘢，問AX同唔同我去honeymoon 喎。AX 笑騎騎話好，但隨即又澄清只係一齊去旅行絕對唔係honeymoon 喎。。。我返來見到啲MSG O左咀，但又覺得同佢去旅行應該無問題嘅。一直以來我都成日同佢孤男寡女共處一室，佢要搞我都唔洗等今日啦！況且我已經係單身了，又唔洗向咩人負責，驚咩 同男仔去旅行喎！所以我就將錯就錯算了。AX好似好興奮咁狂send 啲韓國旅行嘅資料比我，又諗定掃啲咩貨，但講極都無實際行動去訂酒店，可能去到呢一步大家都有啲難為情啦，都唔知book 一間定兩間房好，所以都拖住先。期間有日AX約我12月頭去大會堂聽音樂會，日期就正係大假前一星期。我阿妹話喎，佢可能先約我去音樂會，搞掂左我就可以 順理成章同我旅行住同一間房啦！我當然唔會咁諗我朋友啦，我嗰時仲同賤男糾結中，心諗，一切順其自然算了。
點知，人算不如天算，就喺音樂會前一星期，賤男死返嚟跪求我原諒，仲話會同我儲錢結婚添。你地實話我點解唔考慮接受AX而拒絕賤男呀？我嗰下都有一秒掙扎，不過，一個同我拍左5年拖仲話結婚，一個就十劃都未有一撇，一個年近三十嘅中女真係唔敢博。所以就應承同返賤男一齊。
AX好快就feel到我有唔妥了，因為我開始驚賤男誤會而避開AX，成日唔聽佢電話，又拒絕同佢出街，連講起韓國旅行我都話，不如下次先去啦。AX唔係傻 仔，好快估到我痴返賤男度。但佢嘅反應真係令我嚇左一跳，佢無如預期般笑鬧我蠢，而係好忟咁講:"既然妳係都要揀個咁嘅人，係都要搞到自己無人錫、好可憐 咁，我就由妳，不過妳以後都唔好再同我提妳同呢個人嘅事！"我呆左，因為佢嘅聲線除左忟之外仲帶住心痛。我地都無出到聲，靜左唔知幾耐，我聽到電話另一邊 嘅佢呼吸聲有啲急促，我感到自己嘅心撲撲跳，我問自己，係咪剛剛傷害左個喜歡我嘅人？
隔左陣佢出聲了，好無心機咁問我，唔去旅行，咁仲去唔去音樂會？我話，當然去啦。佢就話，咁遲下電聯啦，就收左線。
嗰晚，我唔知點解不停咁聽張智霖嘅<妳太善良>。
http://www.youtube.com/watch?v=QRhKcJex39k
妳等他悔改 好不過妳鬆手放開
有一種固執 得不到喝彩
總擔任偉大角色 獻奉全部愛
寧願悉心灌溉 沒結果的錯愛
理想歸理想 得不到也等於妄想
原諒又原諒 他可有拍掌
諸多忍讓沒有獎 也沒誰人賣帳
難度妳夠情長 某某亦會同樣
他不配做對象 可惜妳太善良
他背叛妳 偏妳沒法 睜開眼看真相
馴服就似綿羊 相戀太善良大多打敗仗
受騙的那個 比騙徒更混帳
我可等妳嗎 可等到妳傷口結疤
我這種固執 不比妳更差
好心地但運氣差 做壞人才耀眼
良善太過平凡 怕註定要陪跑
單戀也是正常 天生我太善良
早愛著妳 可怕是妳 一早看透真相
馴服就似綿羊 相戀太善良大多打敗仗
受騙的那個 比騙徒夠混帳
妳這樣情長 再等妳也是妄想
明明他不配做對象 可惜妳太善良
喜愛受騙 只怕共妳努力亦沒迥響
他不將妳放心上 即使再善良未得到景仰
受騙的那個 比騙徒更混帳
我也想騙妳 這句才算真相
我post左 條YouTube link 喺fb。有好多人like 呀，但就無AX份。佢只係留左句:"受騙的那個比騙徒更混賬。＂到底呢句係鬧我，定暗示啲歌詞係佢心聲？如果係真嘅，我就真係hurt左佢了。對唔住啊老公仔！
<妳太善良>，你地都聽下！而家我都狂loop中啊！chilam好靚仔啊！
沒有留言:
張貼留言