 |
| 喜樂參半的天空。你心裡也有着這種不確定嗎？等着你在晴天中找我~ |
上回講到AX 消化不良，同佢飛同一班機時遇上心動的一秒鐘。講起呢一秒鐘我個心肝仔仲會噗噗跳架！相信試過暗戀嘅人都試過同暗戀對象四目交投嗰刻，突然而來嘅內心悸 動、世界停頓嘅感覺。嗰下個腦袋真係嗡一聲，然後成個人結左冰咁，連呼吸都好似凝住左，你甚至會懷疑自己靈魂同肉體係咪已經分左家。講真我做左咁多年人閱 男無數(講笑！)，從來無一個人嘅目光會令我有失重感覺。呢個感覺我到而家都再遇唔到了，雖然老公而家都係用同一對死魚眼望住我，但點解呢？佢當日情深款 款又欲蓋彌彰( 定欲拒還迎)嘅情懷去左邊呢？
哈哈，繼續。
飛完嗰班機，已經距離表白事件就快三星期了。我都仲係未知事情係應該點發展！AX對我嘅感覺好怪，見面無嘢講，試過嚴重到喺教會見到我都想逃走咁，令我好 唔舒服，有時甚至好困擾，到底佢想點架！腦海浮現左"世界上最遙遠的距離，唔係生與死，亦唔係我企喺你面前而你唔知我愛你，而係你明知我愛你，但係唔知你 想點！"
終於有日，我頂唔順了，send whatsapp 比佢，話: "sorry, 我知我上次講嘅嘢令你好困擾，其實我無期待過想你嘅答案架，反而我好enjoy同你做朋友，如果因為呢件事令到我地疏遠左，甚至連朋友都無得做，就真係樣衰兼低能。"
佢今次好快覆我呀，佢話:"好！就咁話！一切回復原狀。" 然後隔左唔夠5分鐘，佢就打比我，語氣同以前一貫一樣，開開心心咁吹返我地應該吹嘅水。
講左咩已經唔記得了，因為都係無謂嘢。但我收線後忍唔住喊，因為，失而復得嘅感覺實在太好了。
從來只有AX令我有一種"還沒有戀愛就失戀了" 嘅感覺。我到嗰一刻先知道，呢個人已經深陷喺我心深處，已經係我生命嘅一部份，過去三年無無聊聊嘅相處方式，看似不重要，其實，我好在乎。過去三星期無左佢，我竟然有失戀般嘅失落與難過。
既然係咁，就算我地唔能夠一齊，但我有預感，我地都會做一世嘅朋友，彷彿生命線永遠聯繫住彼此，即使係咁，我已經好心滿意足了。
跟住嗰兩個月，我都用順其自然嘅心態同AX相處。慢慢，我感覺到佢愈來愈在乎我，終於，我等到啦^_^
沒有留言:
張貼留言